سیرت النبی پروگرام، پاکستان کے لیے ستارہ امتیاز   (۱۹۸۳ء)

تعلیمی نصاب کی ترقی کے لیے نشان امتیاز ، پاکستان(۱۹۸۸ء)۔۔۔۔۔۔۔(۱)

عابد اللہ غازی نے ۱۹۸۳ءمیں سکوکی، الینوائے، امریکہ میں اقراء انٹرنیشنل ایجوکیشنل فاؤنڈیشن کی بنیاد رکھی تاکہ امریکی مسلمان بچوں کو ان کے عقیدے کے بارے میں سکھایا جا سکے۔

        ’’ ۱۹۸۳ءسے، اقراء( IQRA)     اسلامی نصاب اور تعلیم میں سب سے بڑا نام رہا ہے۔ ہم نے اسلامی ویک اینڈ اسکولوں اور کل وقتی اسکولوں دونوں کے لیے اسلامی نصاب کے حل تیار کیے ہیں۔ ہمارا اسلامی علوم کا نصاب عربی زبان، قرآن، سیرت، عقیدہ، فقہ، اخلاق اور اسلامی تاریخ پر مشتمل ہے۔ ہر گریڈ میں اسلامی علوم کی نصابی کتب، ورک بک اور اساتذہ کے کتابچے آتے ہیں۔‘‘۔۔۔۔۔۔(۲)

 انھوں  نے تقریباً ۱۰۰نصابی کتابیں اور غیر افسانوی، افسانہ اور شاعری کی ضمنی “افزودگی” کتابیں شائع کیں۔  وہ  امریکہ میں بک کلب اور بک شاپ بھی چلاتے  تھے۔ انھوں نے خود کو ۱۹۸۷ء میں اقراء چیریٹیبل سوسائٹی سے جوڑا۔ اس گروپ کے سربراہ اب بھی عابد اللہ غازی ہیں۔ وہ اور ان کی اہلیہ تسنیمہ غازی بھارت میں پیدا ہوئے، مزید تعلیم حاصل کرنے اور اعلیٰ ڈگریاں حاصل کرنے کے لیے امریکہ آئے۔ بعد میں انھوں نے اپنے چھوٹے بچوں کے ساتھ امریکہ میں آباد ہونے کا فیصلہ کیا۔

        ’’ ڈاکٹر غازی اسلامی نصاب پر تقریباً ۱۵۰متنی اور معاون کتابوں کے مصنف اور ایڈیٹر تھے جو اپنی اہلیہ ڈاکٹر تسنیمہ غازی کے ساتھ مل کر خاص طور پر مغربی ممالک میں رہنے والے یا انگلش میڈیم اسکولوں میں پڑھنے والے مسلمان بچوں کے لیے تیار کیے گئے تھے۔ وہ اردنی رائل اکیڈمی کی طرف سے منتخب دنیا کے ۵۰۰بااثر مسلمانوں میں شامل تھے۔‘‘۔۔۔۔۔۔(۳)

ابو عمار زاہدُالراشدی  ایک کالم میں ڈاکٹر عابد اللہ غازی کا تعارف یوں کرواتے ہیں:

        ’’ ڈاکٹر صاحب کا تعلق بھارت سے ہے۔ ان کے پردادا مولانا محمد عبید اللہؒ حضرت مولانا محمد قاسم نانوتویؒ کے داماد تھے اور علی گڑھ یونیورسٹی میں شعبہ اسلامیات کے پہلے سربراہ تھے۔ وہ تعلیمی ذوق کے بزرگ تھے مگر ان کے فرزند اور ڈاکٹر عبید اللہ غازی صاحب کے دادا مولانا منصور انصاری کا شمار تحریک آزادی کے نامور رہنماؤں میں ہوتا ہے۔ وہ شیخ الہند حضرت مولانا محمود حسن دیوبندیؒ کے شاگرد تھے اور ان کی خاص جماعت کے رکن تھے۔ اور حضرت مولانا عبید اللہ سندھیؒ کے قریبی ساتھیوں میں انہیں دست راست کی حیثیت حاصل تھی۔حضرت شیخ الہندؒ کے حکم پر کابل ہجرت کی اور مولانا سندھیؒ کے ساتھ مل کر نہ صرف ہندوستان کی تحریک آزادی کے لیے کام کیا بلکہ برطانوی استعمار کی عسکری یلغار کے خلاف افغانستان کے استقلال اور آزادی کی جنگ میں بھی اہم کردار ادا کیا۔‘‘۔۔۔۔۔(۴)

جب کہ حسین عبیوہ لکھتے ہیں:

 “He is a unique person given that in him are blended the moderation of his traditional Islamic upbringing, deep appreciation of the rich diversity of South Asian traditions and an inherent appreciation of the humanistic heritage of the West and practical experience of involvement in interfaith dialogue, almost from his youth in India. His teacher, Professor Habib at Aligarh wrote in 1959 about his student, “Abidullah Ghazi is the very best of the students that this University has produced, both from the perspective of academics and social service.” Prominent Indi- an educator Syed Hamid described him in one his articles as, “a, man of millennium”……..(5)

پروفیسر نوالحسن نقوی فرماتے ہیں: 

’’ غازی صاحب کی شخصیت ایک ایسا آئینہ ہے جس میں قدیم اور جدید ، مشرق اور مغرب دونوں کے رنگ ایک ساتھ جھلکتے ہیں ۔ اسے ان کی خوش قسمتی ہی کیسے کہ قدیم و جدید تعلیم کے شہرہ آفاق اداروں سے فیض اٹھانے کا انھیں بھر پور موقع ملا۔ سرسید کے ادارے نے ان کے دل میں کچھ کرنے کی تڑپ پیدا کی ۔ ملک سے دور شکاگو میں بیٹھ کر انھیں ساری دنیا کی سیاست کو جاننے اور عالم اسلام کی کوتاہیوں کو سمجھنے کا موقع ملا۔ آج وہ جس مقام پر ہیں اس تک پہنچنے میں انھیں آگ کے کئی دریاؤں کو پار کرنا پڑا۔ اس تجربے نے انھیں بہت کچھ سکھایا۔‘‘۔۔۔۔۔۔(۶)