راجہ سورج بھان کا بیٹا کنور اودے بھان ایک روز شکار کرنے کے لیے جنگل کی طرف  نکلااور ایک ہرنی کو دیکھ کر شام تک اس کا پیچھا کرتا ہوا ایک ایسے باغ میں جا پہنچا جہاں خوبرو دوشیزا  ئیں جھولے کا لطف لے رہی تھیں ۔ ان میں جگت پرکاش کی چاند جیسی بیٹی رانی کیتکی بھی تھی۔ کنور اردے بھان بھی کچھ کم خوب صورت نہیں تھا۔ باغ میں دونوں کی آنکھیں چار ہو ئیں اور دونوں ایک دوسرے پر فدا ہو گئے ۔ رانی کیتکی نے اپنی سہیلی مدن بان سے بتایا کہ وہ کنور اودے بھان کے عشق میں گرفتار ہو چکی ہے پھر مدن بان کے مشورے پر اودے بھان اور رانی کیتکی ایک دوسرے سے مل کر اپنا تعارف کراتے ہیں اور محبت کی نشانی کے طور پر ایک دوسرے کی انگوٹھیاں بدل لیتے ہیں ۔ پھر کنور اودے بھان اپنے وطن لوٹ آتا ہے۔

کنور اودے بھان اور رانی کیتکی پر ہجر کے لمحات مشکل سے گزرتے ہیں۔ ایک دوسرے کی یاد میں بے قرار و بے چین اور ہوش گم کیے رہتے ہیں ۔کنور اودے بھان کے والدین اس کی یہ حالت دیکھ کر پوچھتے ہیں کہ آخر ماجرا کیا ہے؟ تب وہ اس حادثہ محبت کے بارے میں بتاتا ہے جس کی وجہ سے اس کی یہ حالت ہوئی تھی۔ پھر کنور کے والدین رانی کیتکی کے والد جنت پرکاش کے یہاں ایک برہمن کی معرفت بیاہ کا سندیس بھیجتے ہیں۔ جگت پر کاش کنور اودے بھان کے والدین اس کی یہ حالت دیکھ کر پوچھتے ہیں کہ آخر ماجرا کیا ہے؟ تب وہ اس حادثہ محبت کے بارے میں بتاتا ہے جس کی وجہ سے اس کی یہ حالت ہوئی تھی۔ پھر کنور کے والدین رانی کیکی کے والد جگت پرکاش کے یہاں ایک برہمن کی معرفت بیاہ کا سندیس بھیجتے ہیں۔ جگت پرکاش اسے اپنی رسوائی سمجھ کر شادی کے رشتے کو قبول کرنے سے انکار کر دیتا ہے اور برہمن کو قید کر دیتا ہے۔ اسی وجہ سے کنور کے باپ سورج بھان اور کیتکی کے باپ جگت پر کاش کے درمیان لڑائی ہو جاتی ہے۔ لڑائی کے دوران کنور اودے بھان کیتکی کو اپنے ساتھ بھاگنےکو کہتا ہے  مگر کیتکی  بھاگنے سے انکار کرتی ہے۔  کیتکی کا باپ جگت پر کاش اپنے گرو جو گی مہندر گر جو کیلاس پہاڑ سے آیا تھا اس کی مدد سے اودے بھان ، اس کے باپ ،سورج بھان، اور اس کی ماں ،رانی لچھمی باس کو ہرن ہرنی کی روپ میں تبدیل کر دیتا اور ساری فوج ایک آگ کے بگولے سے تباہ کر دی جاتی ہے۔ کیتکی اس واقعہ سے غم زدہ  ہو جاتی ہے ۔  اس کی سہیلی مدن بان کے دلاسہ دینے سے کچھ سکون محسوس کرتی ہے۔ پھر کیتکی  ایک روز  چالاکی سے کھیلنے کے بہانے اپنی ماں، کام لتا، سے جو گی مہندر گر کا دیا ہوا وہ بھبھوت لے لیتی ہے جسے   آنکھوں میں لگانے  والے دوسروں کو  نظر نہیں آتے۔وہ  بھبھوت  کو آنکھوں میں لگا کر اپنے عاشق اود ے بھان کو تلاش کرنے کے لیے جنگل کی طرف نکل جاتی ہے۔ کیتکی کے اس طرح سے غائب ہو جا نے سے  اس کے والدین، جگت پر کاش اور کام لتا، پریشانی میں مبتلا ہو جاتے ہیں اور اس کی سہیلی مدن بان  کو بھی بھبھوت آنکھوں میں لگا کر کیتکی  کو تلاش کر کے واپس لانے کے لیے بھیجتے ہیں۔ بڑی تلاش و  جستجو کے بعد کیتکی واپس لائی جاتی ہے پھر رونگٹا جلا کر جو گی مہندر گر کو بلایا جاتا ہے اور تمام واقعات سے باخبر کیا جاتا ہے۔ اس کے بعد کنور اودے بھان اور اس کے والدین کو ہرن ہرنی سے واپس انسانی شکل میں تبدیلی کیا جاتا ہے۔پھر کنور اودے بھان اور رانی کیتکی کا نہایت تزک واحتشام کے ساتھ بیاہ رچا دیا جاتا ہے۔