مرزا غالب کی شاعری،زندگی اور فن پر کتب

مرزا غالب کی کتب انھیں اردو ادب کا محض ایک شاعر نہیں بل کہ ایک عظیم مفکر ثابت کرتی ہیں۔ ان کی تحریروں میں انسان، کائنات، تقدیر اور شعورِ ذات جیسے موضوعات نمایاں ہیں۔غالب کا ادبی مقام اس لیے بھی منفرد ہے کہ انھوں نے اُردو شاعری کو محض جذبات سے نکال کر فکر اور فلسفے سے جوڑ دیا۔ یہی وجہ ہے کہ غالب کی کتابیں آج بھی تحقیق، تنقید اور تدریس میں مرکزی حیثیت رکھتی ہیں۔

غالب کے ادبی مقام اور ان کی فنی عظمت کو تسلیم کرنے کا یہ انداز اہمیت کا حامل ہے کہ غالب کے انداز و بیان، اسلوب و فن اور فکرو خیال کی پرتوں کو کھولنے کے لیے ناقدین اور محققین آج بھی غالب  کو خراج تحسین پیش کر رہے ہیں۔غالب کی نثر میں بھی ایک نرالہ اور اچھوتا انداز نظر آتا ہے جو غالب کی مقبولیت کا سبب بنا۔ یہی وجہ ہے کہ مرزا غالب کے خطوط کو کئی بار مرتب کیا گیا۔ناقدین نے غالب اور غالبیات کے نئے اور اچھوتے امکانات دریافت کئے ہیں اور نئے انداز میں غالب شناسوں نے غالب کی تشریح کی ہے جو کہ ایک دبستانِ غالبیات کی شکل میں غالب پر لکھی گئی کتب کی شکل میں ہمارے سامنے موجود ہے۔

غالب کا مرتبہ کلام ، غالب کے خطوط، غالب کی کتب ، اور غالب پر لکھی گئی تحقیقی و تنقیدی کتب کے حوالے سے یہ ایک  قابل قدر حوالہ ثابت ہوگا۔